O Concello concede 38 axudas para facer fronte aos pagos da vivenda habitual e ás facturas enerxéticas

  • Categoría da entrada:Concello

O Concello de Bergondo aprobou en Xunta de Goberno Local conceder un total de 38 axudas para as liñas de subvencións para, por unha banda, facer fronte aos pagos da vivenda habitual e, polo outro, aos pagos das facturas de enerxía eléctrica e térmica.

O goberno local destinou un total de 40.000 euros a estas liñas de axudas, financiadas cos fondos do Plan Único Social da Deputación dá Coruña. No caso das subvencións para facer fronte aos pagos da vivenda habitual o orzamento era de 32.000 euros e para as das facturas de enerxía eléctrica e térmica de 8.000 euros.

O obxectivo é paliar o impacto económico e social da crise que “ten uns efectos que se distribúen de forma desigual na poboación, por iso estas subvencións están dirixidas aos colectivos especialmente vulnerables do noso municipio”, explican desde o goberno local.

Nas axudas ao pago da vivenda habitual as axudas concedidas oscilan entre os 900 euros e os 415 euros e as axudas ao pago de facturas de enerxía eléctrica e térmica entre os 400 euros e os 67 euros.