Este sábado, 13 de xuño, o CPI Cruz do Sar acollerá a Festa de Fin de Curso e Clausura de Actividades. O evento, organizado conxuntamente polo Concello de Bergondo e a A.P.A. “As Mariñas”, ofrecerá unha xornada ininterrompida de deporte, lecer e convivencia familiar.
A continuación, detallamos a programación completa da xornada:
Exhibicións deportivas e culturais As primeiras actividades desenvolveranse no pavillón:
11:50 h: Taichi
12:00 h: Ximnasia rítmica
12:25 h: Taekwondo
12:50 h: Danzas urbanas
13:10 h: Atletismo
13:30 h: Patinaxe
16:00 a 18:00 h: Xadrez, robótica e pintura (estas actividades realizaranse na zona do comedor)
Xantar de convivencia O xantar comunitario organizarase en dúas quendas. Lémbrase a todos os asistentes que é imprescindible presentar o ticket e prégase non sacar comida da zona do monte.
14:15 h: Infantil e primaria
14:45 h: Secundaria e adultos
Lecer, xogos e fin de festa Ao longo de todo o día haberá múltiples opcións de entretemento:
De 11:00 a 12:00 h: Inchables.
A partires das 15:00 h: Inchables, obradoiro, xogos tradicionais, panel fotográfico e flocos de millo.
A partires das 20:00 h: Gran festa da escuma.
A xornada estará animada cunha foliada a cargo da Agrupación de Música Tradicional de Bergondo.
Información importante
Tráfico e aparcamento: Permitirase a entrada de vehículos á zona do monte exclusivamente de 08:30 a 11:00 he, unha vez remate a festa da escuma, entre as 20:30 e as 21:00 h. Fóra destes horarios, non se poderán deixar vehículos nesa zona.
Menores: Os responsables dos menores durante a xornada serán os seus pais, nais, titores ou as persoas nas que deleguen.
A xornada conta coa inestimable colaboración da Agrupación de Música Tradicional de Bergondo, Cruz Vermella Betanzos e Protección Civil de Bergondo.
