As Fillas Bravas son tres pandereteiras que cantan coplas e contan contos escoitados- ou inventados, con moita retranca e non menos sabedoría. Nesta nova obra, As Fillas Bravas usan as fontes do teatro clásico grego e da música tradicional galega como ferramentas para artellar a súa singular convera cantada.

É , por un lado, unha obra na que tres mulleres maiores tratan de entender o cambio climático e facerlle fronte aplicando os saberes e a experiencia dunha vida longa no rural. E por outro, é unha obra con perspectiva de xénero á procura de personaxes femeninas apoderadas, colocando o foco nunha muller afirmativa, autónoma e implicada na colectividade.