Horario: de luns a venres de 11:00 a 13:00 horas (con servicio en sala) e de 15:00 a 21:00 horas (sen servicio en sala).
Localización: Edificio A Senra.
A meirande parte da colección infantil e xuvenil atópase no Multiusos da Senra, que conta tamén cun espazo específico para o público infantil.
O servizo de biblioteca en sala está dispoñible só no horario de mañá. Para levar material en préstamo no horario de tarde será preciso contactar previamente coa persoa encargada das instalacións. A sala está a disposición da poboación no horario indicado, non obstante, neste mesmo espazo realízanse ao longo da semana outras actividades organizadas polo concello, polo que de coincidir coas mesmas deberá respectarse o seu axeitado desenvolvemento.
Bebeteca
A Bebeteca é unha sección, dentro da Biblioteca infantil, onde poderás atopar diversos materiais para que o teu bebé disfrute:
Libros en diferentes e atractivos soportes: tea, plástico, cartoné, etc., e con formas e tamaños variados: troquelados, desplegables, grandes, pequenos… Libros resistentes para leva ó baño, á cama ou xogar on eles, para coñecer animais ou as cousas de cada día, para aprender os contos tradicionais ou os novos… En definitiva, para disfrutar con eles!.Apenas teñen texto e o que predominan son as cores, ilustracións e formas, coa intención de estimulalos, para que o libro e as historias lles cheguen por todos os sentidos.
DVDs para desenvolver o potencial creativo dos bebés e dos nenos pequenos, axudándolles a explorar o mundo que lles rodea a través da linguaxe, da poesía, da música, da arte, etc.
